ಬನ್ನಿ ಕಾಲ ಕಾಲಕ್ಕೆ ಅಪ್ ಡೇಟ್ ಆಗೋಣ | ಲೇಖನ | ವೆಂಕಟೇಶ ಚಾಗಿ | Banni kaala kaalakke update aagona | lekhana | venkatesh chagi
**ಬನ್ನಿ ಕಾಲ ಕಾಲಕ್ಕೆ ಅಪ್ ಡೇಟ್ ಆಗೋಣ**
ಕಾಲ ನಾವಂದುಕೊಂಡಂಗೆ ಹಾಗೇ ಇರಲ್ಲ ಪ್ರತಿ ದಿನ ಪ್ರತಿ ಕ್ಷಣ ಬದಲಾಗುತ್ತಾ ಇರುತ್ತೆ. ಹಾಗಂತ ನಾವು ಬದಲಾಗದೇ ಇದ್ರೆ ಆಗುವ ತೊಂದರೆ ಕೂಡಾ ನಮಗೇನೆ. ಹಾಗಾಗಿ ನಾವೂ ಕಾಲದೊಂದಿದೆ ಪಯಣ ಮಾಡುತ್ತಾ ಕಾಲಕ್ಕೆ ತಕ್ಕ ಹಾಗೆ ಬದಲಾಗಬೇಕಾಗುತ್ತದೆ.
ವೆಂಕಟೇಶ ನನ್ನ ಸ್ನೇಹಿತ. ತುಂಬಾ ಬುದ್ದಿವಂತ. ಓದಿನಲ್ಲಿ ತುಂಬಾ ಮುಂದಿದ್ದ. ನಾವಿಬ್ಬರೂ ಆತ್ಮೀಯ ಸ್ನೇಹಿತರು. ಪ್ರಾಥಮಿಕ ಶಿಕ್ಷಣ ಮುಗಿದ ನಂತರ ನನ್ನ ತಂದೆಯವರಿಗೆ ವರ್ಗಾವಣೆ ಆದ ಕಾರಣ ನಾವು ಬೇರೆ ಊರಿಗೆ ತೆರಳಬೇಕಾಯಿತು. ಬಹುದಿನಗಳ ನಂತರ ನಾನು ಚಿಕ್ಕ ವಯಸ್ಸಿನವನಿದ್ದಾಗ ನಮ್ಮ ಮನೆಯವರೆಲ್ಲ ವಾಸವಿದ್ದ ಆ ಊರಿಗೆ ಮತ್ತೊಬ್ಬ ಗೆಳೆಯನ ಮದುವೆಗೋಸ್ಕರ ತೆರಳಿದೆ. ಆ ಊರು ತುಂಬಾ ಬದಲಾಗಿತ್ತು. ಗುಡಿಸಲುಗಳೆಲ್ಲ ಸಿಮೆಂಟ್ ಮನೆಗಳಾಗಿವೆ . ರಸ್ತೆ ಗಳು , ಮನೆಗಳು ,ಅಂಗಡಿಗಳು, ಎಲ್ಲವೂ ಸೂಪರ್. ಆ ಮದುವೆಗೆ ನನ್ನ ಪ್ರಾಥಮಿಕ ಶಾಲಾ ಅಂತದ ಸ್ನೇಹಿತರೆಲ್ಲಾ ಬಂದಿದ್ದರು . ಅವರೆಲ್ಲಾ ಉತ್ತಮ ಸ್ಥಾನದಲ್ಲಿದ್ದು ತೃಪ್ತಿಕರವಾಗಿ ಜೀವನ ಸಾಗಿಸುತ್ತಿದ್ದರು. ಆದರೆ ಸ್ನೇಹಿತ ವೆಂಕಟೇಶನ ಜೀವನದ ಚಿತ್ರಣವೇ ಬೇರೆಯಾಗಿತ್ತು. ಅವನ ಬಡತನದ ಪರಿಸ್ಥಿತಿ ಮೊದಲಿಗಿಂತಲೂ ಕನಿಷ್ಠ ವಾಗಿತ್ತು. ಚಿಕ್ಕ ಕುಟುಂಬವಾದರೂ ಅವನ ಈ ಪರಿಸ್ಥಿತಿ ಗೆ ಅವನ ಮನೋಧೊರಣೆಯೇ ಕಾರಣವಾಗಿತ್ತು. ಮೊದಲಿನಿಂದಲೂ ಸಮಾಜದೊಂದಿಗೆ ಬೆರೆಯದ ಹಾಗೂ ಕಾಲದಿಂದ ಕಾಲಕ್ಕೆ ಅಪ್ ಡೇಟ್ ಆಗದ ಅವನ ಸ್ವಭಾವದಿಂದಾಗಿ ಸ್ವಯಂ ಅಭಿವೃದ್ಧಿ ಹೊಂದದೇ ಇರುವುದು ಸ್ಪಷ್ಟ ವಾಗಿ ಗೋಚರವಾಗುತ್ತಿತ್ತು.
ಕಾಲದೊಂದಿಗೆ ಅಪ್ ಡೇಟ್ ಆಗಬೇಕಾಗಿರುವುದು ಎಷ್ಟೋಂದು ಅವಶ್ಯಕತೆ ಇದೆ ಅಲ್ಲವೇ. ಕಾಲದಿಂದ ಕಾಲಕ್ಕೆ ಪರಿಸರದೊಂದಿಗೆ , ಸಮಾಜದೊಂದಿಗೆ ಹೊಂದಾಣಿಕೆಯಾಗುವುದು ಬಹು ಮುಖ್ಯ. ಆದರೆ ನಕಾರಾತ್ಮಕ ಅಭಿವೃದ್ಧಿ ಅಭಾಸ. ನಾನು ಬೆಳೆಯಬೇಕು ನನ್ನೊಂದಿಗೆ ಇರುವವರೂ ಬೆಳೆಯಬೇಕು ಉಳಿಯಬೇಕು ಎನ್ನುವ ಮನೋಧೋರಣೆ ಒಳಗೊಂಡಾಗ ಅಭಿವೃದ್ಧಿ ಹೊಂದಲು ಸಾದ್ಯ. ಬನ್ನಿ ನಾವೂ ಕಾಲಕಾಲಕ್ಕೆ ಅಪ್ ಡೇಟ್ ಆಗೋಣ.
=> ವೆಂಕಟೇಶ ಚಾಗಿ
👉ಮುಂದಿನ ಲೇಖನ 👈
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ